Kaixo lagunak!
Oraingo honetan baliogarriak izan daitezkeen baliabide batzuk eskeini nahi dizkizuegu:
1. Euskal produktuen katalago bat.
Bertan zehazten zaizue gutxi gorabeherako prezioa eta zein adinakoentzat aholkatzen dituzten. www.katalogoa.org
2. Teknologi berriak bultzatu nahian, sortutako talde berri batek Tablet eta smartphone-erako aplikazioa interesgarri bat aurkeztu digute, haurrekin erabili ahal izateko alegia.
Informazio gehiago honako helbide honetan aurki dezakezue: www.luul.eu
3- Narrazio laburrak, poemak, haurrentzako ipuinak... entzun eta gozatzeko webgune polit bat duzue hau: www.etxegiroan.com
Kaixo familia::
Olentzero etorriko zaigu laister. Ekarriko dituen opariak hauetako asko izan daitezke.
Gehienak "Bularretik Mintzora" egitasmoak aholkatutakoak dira.
Datorren igandean, abenduak 2, Oiartzunen IRRIGINTZA JAIA ospatuko da Elorsoro kiroldegian. Euskara bultzatzeko asmoarekin bideo eta hau kanta hau prestatu dute. Goza itzazue!!!
Irrien Lagunak Oarsoaldean from Oarso Jolas on Vimeo.
Astelehenean, abenduaren 3an, Euskeraren eguna ospatuko dugu. 6.mailako ikasleak etorriko zaizkigu ipuinak kontatzera!!! Eta hori ez da izango jasoko dugun bisita bakarra... zein gehiago etorriko da???
Girotzen hasteko hemen uzten dizuegu kanta batzuk praktikatzeko.
ETXEA izan da 4 urteko ikasleok azken aste hauetan landu dugun gaia. Abesti, olerki, asmakizun eta irudien bitartez gure etxea hobeto ezagutzen dugu orain, baina baita urrutiko beste toki batzuetakoak ere.
4 urteko ikasleok, URA-ren inguruko proiektuari amaiera eman diogu bi artelan zoragarri hauekin; batetik, uraren zikloa adierazten duen margolana eta, bestetik, izadiaren eta uraren arteko erlazioa izpide izan ondoren, Agustin Ibarrolaren OMAko basoan jatorria duen ideiatik sortutako gure "tutu margotuak".
Hemen doazkizue ekoizpen hauen produkzioan ateratako zenbait argazki.
Izugarria izan da gaur goizean gelara sartu eta izan dugun ezustekoa: joan den astean kotoia urez zipriztindu ondoren jogourt potoetan gordetako gure dilistetatik landareak hazi dira! Hau poza gurea!
Landareak hazteko eta bizirauteko ura ezinbestekoa dela ikusiaz ikasi dugu.
Ikasturte hasiera honetan, URA izan da aukeratu dugun gaia. Uraren inguruko ezagutza berriak barneratzen ari gara egiten ditugun jarduera eta esperimentuen bitartez.
Hona hemen ikasgelan egindako zenbait jarduera eta esperimentuen argazki batzuk:
Urriaren 4ean EUREKAn egon ginen, URA-ren inguruko ezagutza berriak barneratzeko asmoz. Interesgarria bezain dibertigarria gertatu zitzaigun irteera.
Hemen doazkizue bertako argazki batzuk:
Aurten ere zaborra nola sailkatu behar dugun ikasi dugu eta bide batez gure ingurunea zaintzen dugu. Lan pila egin dugu, baina ez da nahikoa denok parte hartzen ez badugu. Ikastolan ikasitakoa etxean aurrera eramaten saiatuko gara. Laguntzen gaituzue?
2012/06/18
ULIARA JOAN GARA 3 URTEKO NESKA MUTILAK ZEIN GARRAIO BEHAR IZAN DUGU? EZETZ ASMATU.
2012/06/14
LAISTER DITUGU HEMEN OPORRAK JAKIN NAHI DUZUE GURE 3 URTEKO NESKA-MUTILAK NORA JOANGO DIREN ETA ZENBAT GARRAIO ERABILIKO DITUZTEN? BA KLIKATU HURRENGO BIDEOA.
23 egun gure inkubadoran goxo-goxo egon eta gero, bederatzi txito jaio dira Langaitz ikastolako Haur Hezkuntzako eraikinean, eta ikasle eta irakasleen zaintza, mimo eta animoei esker, politak bezain osasuntsuak daudenak. Ikasleek ez dute berehalakoan ahaztuko, ikasitako hainbat olerki, abesti eta ipuinetan protagonistak diren animaliatxo hauekin izandako bizipena eta esperientzia, ez horixe!
Hemen doakizue aste santuko oporren aurretik 4 urteko ikasleok Haur Hezkuntzako beste mailetako ikaskideei eskaini genien Lehoia eta kilkerra-ren antzezpena.
Ongi izan, gozatu oporretan denok eta...bueltarte!
GAUR EGUR GERO ETA GEHIAGO ERABILTZEN DIRA TEKNOLOGI BERRIAK ETA GURE TXIKITXO GEHIENAK IA TXIKITIK OHITUTZEN ARI DIRA ORDENAGAILU BATEN AURREAN EGOTEN. ORDENAGAILUETAN IBILTZEN HASTEN DIRENEAN, HASIERAN KOSTATZEN ZAIE JABETZEA SAGUA MANEIATZEN DUTENEAN ONDORIO BAT DAKARRELA PANTAILAN, EDOTE SAGUA EZ DELA MUGITZEN BERAIEK NAHIKO ZUTEN BEZALA.
ORRIALDE BAT PROPOSATZEN DIZUET, NON HAURRAK JOLAS BATZUEN BIDEZ SAGUAREN MUGIMENDUAK KONTROLATZEN HASIKO DIRA. ZUEN GUSTOKOA IZATEA ESPERO DUT.
DISFRUTATU!!!
Astelehenean, martxoak 12, 3 urteko gelako ikasleek mazedonia egin zuten.Ikusi ezazue hurrengo argazkietan nola disfrutatu zuten mazedonia egiten eta dastatzen!!!
Untitled from naiara on Vimeo.
5 URTEKO IKASLEAK GORPUTZARI BURUZKO EZAGUPENAK JASO DITUZTE. HONAKO ARGAZKI HAUETAN IKUSI DAITAKE NOLA ESPERIMENTATU ZUTEN DASTAMENA ETA IKUSMENAREKIN.
Bi urteko ikasle guztiak elkartzen hasi gara abestu eta dantzatzeko. Astean behin hiru geletako haurrak gela batean bildu eta orain arte ikasitako kantak eta dantzak errepasatzen ditugu. Umeek, musikarekin gozatzen duten bitartean, beste geletakoekiko harremanak zabaltzen doaz.
Ezagutzen al duzue Errekamariren ipuina? Bai? Ez...? Beno ba oraingo honetan ezagutzeko aukera izango duzue. Belaunaldiz belaunaldi ahoz aho kontatu den ipuin polit-polita da, non Euskal Herriko LAMIA da protagonista.
Gozatu eta aurrera!!!
Gorputza landu eta gero jolasteko lotura bat utzi nahi dizuegu etxean aritzeko, idibadigital orrialdetik hartua.
Seguru gure ume txikiak gozatuko dutela. Eguraldiaren baitan, ea asmatzen duten ze arropa den egokiena jazteko. Jarduerak " Y ahora... ¿Que me pongo?" du izena, bertan klikatuta ahal izango duzue jolastu. Edota nahi izan ezkero dauden bestelako jolasak probatu. Denak politak eta dibertigarriak.
Saretik nabigatzen oso orrialde interesgarri bat aurkitu dut, behintzat nire ustetan. Bertan ipuinak(entzuteko edo ikusteko) aukera dago, azalpenak ... aurkitu ditzazkegu. Euskarari beste bultzakada bat emateko baliabide on bat. Bisitatzera gonbidatzen zaituztet eta lehenengo etekinak ateratzeko bertan azaltzen diren hiru bideotxo jarriko ditut, orain 5 urteko geletan landuko dugun Euskal Mitologia gaiarentzat primeran etorriko zaizkigunak.
Otsaileko lehendabiziko hotz hauek, ikasgelako epeltasun eta goxotasuenan igaro ditugu, jolasean, kantuan, dantzan, eskulanak egiten...
Hemen doakizue gure eskulanen bideotxo bat.
Izan ongi!
5 urtekoak Dinosauroen gaiaren inguruan lan mordoxka egin genuen eta erakutsi nahi dizuegu laburbilduta lan horren emaitza. Espero dugu zuek disfrutatzea guk egiten disfrutatu genuen bezala.
Ostiral honetan inauteriak ospatuko ditugu eta aurtengo gaia, iaz egin genuen bezala, EUSKAL INAUTERIAK izango da. Geletan honen inguruan lanean ari gara, pertsonai ezberdinak ikasten, Euskal Herriko lurralde ezberdinetan kokatzen...
Zuek ere etxean ezagutzeko aukera izateko interneten aurkitutako aurkezpen bat uzten dizuegu, gelan ere probetxu handia aterako diogu, noski!!!
Aurrera eta asko ikas ezazue!
Azkeneko urteetan egin dugun bezala, inauteriko jantziak egiteko zuei laguntza eskatu eta zuen erantzuna ikusi eta gero eskerrak eman nahi dizkizuegu egin duzuen lan guztiarengatik. MILA-MILA ESKER!!!
Gure lanak eguneratzeko asmoarekin berreskuratu dugu Dinosauroekin egin genuen txostena. Primeran pasa genuen osatzen eta gauza pilo ikasi genituen. Azkenean 5 urtekoen hiru gelen arteko lana bat izan zen eta hona hemen emaitza.
Pasa den astean Amaiaren gelako Olaiaren ama etorri zen bisitan. Zergaitik? 5 urtekoen gelan gorputza landu dugu eta bukaerarako zentzumenak utzi genituen. Horietako bat,dakizuen bezala, entzumena da eta Olaiaren amak entzun ahal izateko belarrietan aparato batzuk eramaten ditu. Bere eguneroko bizitzari buruz bitxikeri asko kontatu zizkigun: umeak txikiak zirenean nola zekien negarrez ari ote ziren, nola dakien etxeko tinbrea jotzen dutela edo telefonoa noiz ari den jotzen... eta badakizue nola? Ba dena argietara konektatua du etxean, berak dio bere etxea diskoteka bat ematen duela. Iratzargailu berezi bat dauka eta hori ere telefonora konektatua dute, argia eta guztiz dauka esnatzeko... Dena benetan bitxi bitxia. Zeinu hizkuntzako zenbait zeinu erakutsi zizkigun ere, bere alabaren laguntzarekin. Umeak oso interesatuak egon ziren eta andereñoak gehiago. Oso oso interesgarria. Eskerrik asko Yolanda hitzaldiarengatik.
Honekin batera ere Pirritx, Porrotx eta Marimotots-en azkeneko lanean(Zazpikoloroa) abesten duten kanta bat landu genuen, non zeinuen hizkuntza erabiltzen duten. Benetan polita eta erraza ikasteko. Animatzen zarete zuek ere ikastera? Hemen usten dizuegu beraiek argitaratutako bideoa, bertan azaltzen da kanta honen prozesua: ESKUETAN
Pasa den astean estreinatu genuen Haur Hezkuntzako liburutegi berria. Taldeka erabiltzen hasiak gara eta gure ikasleak oso gustora aritu dira liburu berriak eskuetan hartu eta ipunak "irakurtzen".
Ostegunean elurra egin zuen baina larunbatean askoz ere gehiago. Dena zuri zuri gelditu zen eta haurrekin elurretan jolasteko aukera paregabe hau aprobetxatuko zenutela pentsatzen dut, baita argazki politak aterazeko ere. Elur panpinak egingo zenituzten, ez da? Animatzen zarete ikastolara horietako argazkiak ekartzen? Gure blog honetan jarriko genituzke denak ikusteko aukera izateko. Zer iruditzen zaizue?
Eta elurraren kanta eta keinu batzuk ikasteko hemen usten dizuet bideotxo bat ,bai gelan bai etxean abesteko. Ea gustokoa duzuen!
Pasa den astean 5 urtekoen gelara hiru amatxo etorri zitzaizkigun gure gorputzari buruz hitz egiteko. Batak ume bat izan du orain dela oso gutxi, bestea botikaria da eta bestea masajista. Beraiek dakitenari buruz hitz egin ziguten: umea nola jaio zen, ze botikak hartzen ditugu gaixo gaudenean, nondik hartzen diren botika horiek (ahotik, azaletik...) edota askotan masaje bat hartuta ere, gure gorputza osasuntsu izan dezakegula. Oso interesgarria izan zen.
Eskerrik asko Bea, Ainhoa eta Maika zuen laguntzarengatik
Ostiralean Donostia eguna izanik ikastolan omenalditxo bat egin nahi izan genion Donostia hiriari. Horretarako gure txikitxoek danborrada jotzeko aukera izan zuten. Hona hemen argazkitxo batzuk.
